معركة حطين

معركة حطين معركة تاريخيه مهمه و كبيره قامت بين الجيش المصرى المدعم بقوات من التركمان و الأكراد و غيرهم بقيادة صلاح الدين الأيوبى و الصليبيين فى 4 يوليه سنة 1187 فى منطقه بين الناصره و طبريه فى فلسطين. وقت المعارك حاصر الاسطول المصرى المدن الصليبيه على الساحل و منع وصول امدادات من اوروبا للصليبيين. انتهت المعركه بهزيمة الصليبيين هزيمه ساحقه و وقع بيت المقدس و مدن تانيه فى ايد صلاح الدين الأيوبى. هزيمة الصليبيين و استرجاع المسلمين لبيت المقدس من الصليبيين كان ليه صدى جامد فى اوروبا و اتجمعت جيوش بهدف استرداده و قامت الحمله الضخمه اللى اتعرفت بإسم الحمله الصليبيه التالته.
القاده اللى شاركو فى قيادة الجيش مع صلاح الدين كان من ضمنهم المظفر تقى الدين عمر و مظفر الدين كوكبرى. الجيش الصليبى كان ابرز قواده جاى دى لوزينان Guy de Lusignan ملك بيت المقدس ، و رينالد دى شاتيون Raynald de Châtillon أمير الكرك ، و رايموند التالت Raymond III كونت طرابلس ، و چيرار دى ريدفورت Gerard de Ridefort مقدم فرسان المعبد ،و روچر دى مولين Roger des Moulins مقدم الاسبتاريه ، و باليان دى ايبلان Balian de Ibelin ، و رايموند Raymond ابن امير انطاكيه بوهيموند التالت و غيرهم.


http://upload.wikimedia.org/wikipedia/arz/thumb/6/68/Hitin1-Masri.PNG/300px-Hitin1-Masri.PNG
خريطه بتوضح مكان معركة حطين.